همستي للحداثيّين التّقدّميّين

لست ممّن يهوى الكتابة بالعامّيّة لكن أخيّرها لهذه التّدوينة علّ بعض القاصرين عن الفهم يصبحون قادرين على القراءة


كلامي اليوم ليكم أنتم يا حداثيّين
يا اللي وجعتولنا روسنا و انتوما تنظّروا للديمقراطيّة
نصّبتوا رواحكم أوصياء على الشّعب المسكين
و التلافز الكل سخّرتوها ليكم بش تقولولنا ردّوا بالكم من الرّجعيّة
رانا أحنا الديمقراطيّين و الاخرين غـــــول
عندهم ماء الفرق و الارانيوم و العطورات الايرانيّة
يجيبولكم 4 نساء يا نساء و يلبسوكم شكاير بالسّيف
و كان دخلنا في الانتخابات ماهمش بش يقبلوا بالنتائج خاطر ارهابيّين
و جاء نهار 23 و اختارت الناس كل واحد آش يظهرلوا
و بدات تخرج النتائج و ووجوهكم اصفارت و قلتوا تزوير
خرجتوا في مظاهرات بش تقولوا الشعب بهيم
و قلتوا زادة متخلف اختارولنا الشيطان الرجيم
؟وين مشات ديمقراطيتكم و حداثتكم و التنظير
طلعتوا انتوما المسكّرين و الدّكتاتوريّين
و قلتوا و برّة الشعب اختار , احنا نبلبزوها رانا أحنا الصحاح
ايه نعم الديمقراطية موش باهية مع ها الشعب
رجعولنا بن علي و رتحونا من هالكابوس
ياحليلي الغنوشي جانا و تيسكّرلنا البيران
و الشيخة مشات و الجو و السهريات
خسرتوا في الانتخابات خاطركم مساطيك
الناس تخدم و انتوما لاهيين تخوفوا في الناس من الناس
و نسيتوا انو الناس الاولانين يخدموا على الأرض
و انهم قربوا لناس الثانين و عرفوا برواحهم
ما عرفتوش تلعبوها هالمرة و تكعبرتلكم
و عاللي قاعد نشوف فيه من بكاكم و نديبكم و تكذيبكم للنتائج
مازلتوا مواصلين فرد خط و الصرفاق القادم بش يكون أقوى
يساري استئصالي اقصائي ماركة و بوهالي هذا كان شعاركم
و الشعب قلكم يزونا من لغة بن علي عطونا الصحيح 
ياخي ما لقيتوا ما تعطوا خاطركم فارغين
ماشي ي بالكم نخبة و انتوما المخ جامد و مايخدمش
نباركلكم بهالصرفاق العالمي و سنين دايمة
و ما دام مازلتوا هكّة لوووول هذاكة آش نقول
ليقول على شعبوا بهيم كيفاش تحبّوا يحكم في هالبلاد؟
حسن واصلوا ماريتش في عمري انسان قاعد يضر في روحو
قد الحداثيّين الدكتاتوريّين