نكتب عليك يالمّيمة و الدّمعة ما جفّت
نكتب عليك يا لحنينة و قداش من أم تثكلت
آهي و فرحي في السماء من الخوف تربطوا
و حسّيت بلادي متاعي و النشيد اليوم حفظتو
اليوم تعلمت نكتب و نحكي ونضحك و نبكي
وفي بلوغي باسمي بلا خوف كنقلق نشكي
حكييت قبل و طيّرطلهم النوم من عينيهم
حكيت و آنا خايف من الحيوط الّلي في بلادي كانت تسمع
حكيت و آناخايف من روحي و من الأعمى و الأطرش
و حتّى من البقر و المعيز و الكلاب و الدّجاج اللّي يبربش
حكيت و آنا خايف من صاحبي والحجّام و العطّار
وقالولي و آنا صغير رد بالك تحكي عليهم .. الكبار
الصّف الطّويل لازم تشدّ فيه حتّا و لو الحال يبكّي
و ردّ بالك حتّى من الّلي يتحّي و يزكّي
راو منهم و فيهم كل وطني و قوّاد و غدّار
و لوّجت عليّ العسّاسة و الكشّافة والقوّادة و البهناسة
لوّجوا برشة وما لقاو كان صوتي هازّو الرّيح
و حاروا في الدمعة الحارّة اللّي مع التّزغريد تميح
و الحلفاء عطشانة و الشّيح المحروق يعيّط و يصيح
اذا الشّعب يوما أراد الحياة *** فلا بدّ أن يستجيب القدر
و لا بدّ للقيد أن ينجلي *** و لا بدّ للقيد أن ينكسر
و باش نكمّل نحكي و ماعادش يهمّني
البوعزيزي علّمني و علّمك يا تونس آش معناها رجلة
وقالّك يا تونسي فيق!!يزّي ما دزّو عليك العجلة
!!!حرق روحو باش يقولنّا راو الخوف كان من ربّي
هذاكة علاش باش نحكي باسمي موش وراء ستارة متخبّي
النّاس ماتت باش تحرّرك يا تونس من العباد لمسختّك
طلعو غالطين يا تونس كيقالو شبابك بوهالي مسطّك
و أنا ولدك يا تونس والّي ماتوا ماهمش خير منّي
نحبك يا بلادي بقلبي وروحي و دمّي
و باش نشكيلك وحدك سرّي و أسراري و حزني و همّي
قرّرت عندي سنين في كتاب تاريخك نكتب صفحة
و اليوم شفت بعيني كفاش النّاس بالدّم صنعت فرحة
الّلي ماتوا باش تاخو استقلالك يا تونس بعد الاستقلال
حمّلونا أمانة كبيرة لازمها نساء و رجال
باش نتولهو بيك ياتونس و نزيّنوك زينة الأبطال
و من ترابك نطلعو الذهب و القمح انبتوه في الجبال
خلّي يقولو ضبّع هتر خلّي يقولو مهبول
وآنا باش نحّي صبّاطي و باش نقول
بلادي شكرا جلبت لي الشّرف***وملّكتني نفسي بعد طول انتظار
طوبا لحجر غازل الرّصاص***وأسقط بالدم نصب السّمسار
اشهد يازمنا و دوّن بالذّهب***ثورة شعب توصيفها اعصار
ثورة خبز و ماء وياسمين***وحبّ و دماء قوم ملّت العار
أليك ياشهيدا أهدي قصيدي***وفي السّاحات سينصّب تذكار
بيننا و الحجر عشق نشأ***وليالي البرد و النجوم و الأقمار
و ملثّمون و مسرحيّات رويناها***وهلع و خوف و الليل أنوار
و حبّ سرى فينا بغرابة!***و الكلّ يغنّي و ابتدى المشوار
صنعت الحاضر يا تونسيّا***خطّ بأظفاره للكرامة مسار
و دفعت دمك و دمعك اتاوة***ومنحت لأطفالك ثمرة الانتصار
هبّي يا رياح الشّمال ودقّي***ياطبول النّصر أربكي الأسوار
فينا أكثر من داي شجاع***و فينا أعلن أوّل نصر للأخيار
سماؤنا نحن نلوّن رداءها***و شعارنا دمعة و ابتسامة و انكسار
ثورتنا فخر للتّاريخ ستبقى***وستبقى أيّامي هذه أحلى تذكار
Aucun commentaire:
Enregistrer un commentaire